24.1 C
Mérida
jueves, agosto 5, 2021
Inicio - To’one’ jach ki’ t chi’ le chimoleo’ (A nosotros nos gusta mucho...

To’one’ jach ki’ t chi’ le chimoleo’ (A nosotros nos gusta mucho el chimole)

Bernardo Caamal Itzá

Blanca Flor, municipio de Bacalar, Quintana Roo, 1 de junio 2021.- Woy t kaajala’ jach ku jaanta’al le chimoleo’, ku tsikbaltik ten juntúul xnuk xuunáan tu kajtalil Blanca Flor, le máanik domingo 30 ti’ mayoa’ (“Aquí en nuestro pueblo se come mucho el chimole”, me platicó una señora de la comunidad de Blanca Flor, el pasado domingo 30 de mayo).

Le janal yaan te’ kuum je’ela’ jach tu p’iis yanik u ta’abil (la comida en el caldero está en su punto de sal), ichil u tsikbale’, bin u túuntik le kamp’éel u kuumil box janal ku meyajta’al ti’ le súutukila’ (entre que ella me compartía, probaba el caldo de uno de los cuatro calderos de relleno negro).

“Chan Arux, le buka’aj janal ka wilika’ óoxtúul u k’éek’enil” (“Arux, esta cantidad de comida que ves es de la carne de tres cerdos”).

Jach ts’o’ok in ka’anal in júuyt le janala’ ku ya’alik juntúul le xi’ipal ku táakpajal ti’ le súutukila’ (“Ya me cansé mucho”, dijo uno de los jóvenes que participaba en la preparación del manjar).

Ti’ le k’iintsilila’ jach tsaaran ku beetik yuum k’iin, ku ts’o’okole’ yéetel u yooxol le nuxib píiba’ tu’ux kukíinta’an le kamp’éel nukuch kuumo’oba’ chéen tumen u t’oxmajubáaj le máako’ob uti’al u beetal le janala’, ma’ jach talam ti’ leti’obi’ (En esos momentos el sol brillaba con mucha intensidad, y luego el calor del pib u horno hecho en la tierra, en donde estaban asentados los cuatro grandes calderos de comida).

Ich le buka’aj meyaja’ chéen ka tin wilaje’, tak teen táan u chooj in k’íilkab (Ante tanto trabajo, al rato me di cuenta que también sudaba a raudales).

Ba’ale, le xiibo’obo’ leti’ le ku júuytaj jaanalo’obo’, le xnukuch xuunáano’obo’ leti’ob ts’áajik u xa’ak le jaanalo’ (En esta labor, los varones mueven la comida de los grandes calderos de comida, y las mujeres ponen los condimentos).

–Xnuk xuunan, bix úuch a kanik u beet le  nukuch jaanalo’oba’ (– Abuela, ¿cómo aprendiste a preparar grandes cantidades de comida?).

–Ma’atáan wáaj a wilike’- ku ya’alik ten in na’ yéetel in taata’e’ ka in wáanto’ob ti’ le nukuch meyajo’ob beya’ (Mi madre y mi padre me pedían que los apoyara en la elaboración de estos alimentos). Beyo’ ikil in wáantiko’obe’, ka tin wilaj buka’aj xa’ak’ ku bisik le box janala’ (Así aprendí los ingredientes que lleva el relleno negro).

“Chéen ka tin wilaje’ in na’e’ ku ya’aliktene’, in paalil jáan beet u xa’ak’ le janalo’ (Y en esas actividades, un día mi madre me dijo que hiciera los ingredientes de la comida. Jach tin kanaj, kéen in wil buka’aj jaanale’ in woojel xan buka’aj xa’ak’ ku bisik (Así aprendí a calcular la cantidad de ingredientes de la comida a elaborar).

“Teche’ a woojel wáaje’, je’ebix yóok’lal le box jaanala’, ku bisik canela, yéetel uláak’ xa’ak’o’ob, yéetel xane’ yaan in ts’áajik u táan le jaanala’ (¿Sabes? El relleno negro lleva entre sus ingredientes la canela, al igual que otros condimentos, luego, le agrego masa de maíz desleída para que el caldo tenga consistencia).

Le box jaanala’ jach yaan u meeyjil, tumen xan yan a tóokik u yiikal (el relleno negro, entre sus ingredientes, lleva chile tostado), le je’ela’ ma’ jach séeba’an u beetali’, tumen, ku beetik a se’en yéetel u síimankil a ni’ (y estas comidas no son muy fáciles, porque al quemar el chile te hace toser, moqueas).

“Ba’ale’, le kéen tajak le jaanal bey te’ píiba’ yéetel kéen a túunto’ ku tu’ubultech le ba’axo’ob ta máansajo’, le jaanalo’ob beya’, jach táaj ki’ (Pero cuando la comida se cuece en el pib y lo pruebas ¡hasta olvidas las mil penalidades al elaborarlo, porque estas comidas son muy sabrosas!)

Estas experiencias me fueron compartida por una de las dos cocineras muy afamadas de la comunidad de Blanca Flor, y que la mañana de ayer, lunes 31 de mayo, quienes viven en esta localidad organizaron este ágape, en donde degustaron el delicioso relleno.

DEJA UNA RESPUESTA

Por favor ingrese su comentario!
Por favor ingrese su nombre aquí

MÁS POPULAR